Павлодарда 62 жастағы ер адам 2012 жылы 72 жастағы зейнеткерді өлтіргені үшін сотталды. Қылмыс 14 жылдан кейін ашылды, деп хабарлайды infohub.kz.
Іс материалдары бойынша, 2012 жылы ер адам «Яблонька» бау-бақша серіктестігінің аумағында болып, қарт әйелмен танысып, оның үйіне кіруге рұқсат сұраған. Бау-бақша үйінде олар бірге алкоголь ішкен.
Осыдан кейін күдікті зейнеткерді екі рет зорлап, ізін жасыру үшін оны тұншықтырып өлтірген. Әйелдің денесі бірнеше күннен кейін ғана табылған.
Павлодарлықтың қылмысқа қатысы 14 жылдан кейін ғана анықталды. Ер адам кісі өлтірудегі кінәсін жоққа шығармады.
Зорлау үшін ол қылмыстық жауапкершіліктен мерзімі өткендіктен босатылды. Алайда кісі өлтіргені үшін жазасын өтеді.
«Қылмыстық құқық бұзушылықтардың жиынтығы бойынша осы үкіммен және Павлодар облысының қылмыстық істер жөніндегі мамандандырылған ауданаралық сотының 2023 жылғы 19 қыркүйектегі үкімімен тағайындалған жазаларды ішінара қосу арқылы түпкілікті 20 жыл мерзімге бас бостандығынан айыру жазасын тағайындау», — деп үкімді судья Жанна Нығыбаева жариялады.
Сотталған қазірдің өзінде колонияда. 2023 жылы ол «Строитель» бау-бақша серіктестігінде 59 жастағы танысын өлтіргені үшін кінәлі деп танылды. Тергеу деректері бойынша, жанжал кезінде ер адам әйелдің мойнына кофтаны орап, оны тұншықтырып өлтірген.
Қазір сотталған 62 жаста.