Павлодарда пәтер ұрлығының сериясына күдікті 36 жастағы ер адам ұсталды. Бұрын бірнеше рет сотталған астаналық қылмыскер бір схема бойынша әрекет еткен: кілттерді іріктеп, үйге кіріп, зергерлік бұйымдарды, ақша мен құнды заттарды ұрлап, кейін ломбардтарға өткізіп отырған. Түскен қаражатты жеке қажеттіліктеріне жұмсаған, деп хабарлайды infohub.kz.
Полиция мәліметінше, 2026 жылдың шілдесінде күдікті бір пәтерден шамамен 6 миллион теңге сомасында ұрлық жасаған. Барлығы ол үш ұқсас қылмысқа күдіктеледі, ал жалпы шығын миллиондаған теңгені құрайды. Жеке тінту кезінде ер адамнан ақшаның бір бөлігі алынды, ал Семей қаласындағы ломбардтардың бірінен ұрланған алтын бұйымдар табылып, тәркіленді.
«36 жастағы ер адам — бұрын бірнеше рет сотталған астаналық тұрғын. Жеке тінту кезінде ақша қаражатының бір бөлігі табылып, алынса, Семейдегі ломбардтан алтын бұйымдар табылып, алынды. Ұрлық фактісі бойынша қылмыстық іс қозғалды. Күдікті уақытша ұстау изоляторына жабылды. Полиция оның өңірдегі басқа да осыған ұқсас қылмыстарға қатысы бар-жоғын тексеруде», — деді Павлодар облысы полиция департаменті криминалдық полиция басқармасы бастығының міндетін атқарушы Олжас Теміров.