20 шілдеде Павлодар облысындағы Aqtogai Milk сүт фермасында қайғылы оқиға болды: кәріз құдығында газбен уланып, алты адам қаза тапты. Құрбандардың арасында кәмелетке толмаған бала да бар, деп хабарлайды infohub.kz сайты.
Қаза тапқан жұмысшылардың отбасылары материалдық қолдау алады. Aqtogai Milk компаниясы оларға жыл соңына дейін жалақы төлеуге, несиелерін өтеуге көмектесуге, сондай-ақ қаза тапқандардың кәмелетке толмаған балаларын 18 жасқа толғанға дейін асырап, білім беруді өз мойнына алуға міндеттенді. Бұдан басқа, мемлекеттік органдар да қолдау көрсетеді.
Оқиға кәріз құдығында электр сорғысын жөндеу кезінде болған. Газбен улану салдарынан 1963, 1975, 1983, 1998, 2006 және 2009 жылы туған алты ер адам оқиға орнында қаза тапты. Осылайша, ең кішісіне 16-17 жас болған. Тағы бір зардап шеккен көмірқышқыл газынан орташа ауырлықтағы уланумен Ақтоғай аудандық ауруханасына жатқызылды.
Aqtogai Milk фермасы, ашық дереккөздердің мәліметінше, Павлодар облыстық мәслихатының депутаты Александр Терентьевке тиесілі. Ол көңіл айтып, кәсіпорын отбасыларға көмек көрсететінін растады.
Оқиға бойынша полиция қылмыстық іс қозғады.