Павлодарда ТЖМ қызметкерлері гараж төбесіне шығып кеткен жарақаттанған қызды құтқару операциясын жүргізді. Оқиға Ледовский көшесінде болған: бала гараж төбесіне шығып, өздігінен түсе алмаған. Құтқарушылар альпинист жабдықтары мен арнайы құралдарды пайдаланып, зардап шеккенді мұқият эвакуациялап, жедел жәрдем бригадасына тапсырды, деп хабарлайды infohub.kz сайты.
Төтенше жағдай туралы хабар 112 қызметіне түскен. Қоңырау шалушылар кәмелетке толмаған балаға көмек қажет екенін айтқан. Оқиға орнына келген ТЖМ қызметкерлері қызды гараждардың бірінің төбесінен тапқан.
«Қауіпсіз эвакуация жүргізу үшін мамандар альпинист жабдықтары мен арнайы құтқару құралдарын қолданды. Носилка көмегімен баланы биіктіктен мұқият түсіріп, келген жедел жәрдем бригадасына тапсырды», — делінген ҚР ТЖМ хабарламасында.
Алғашқы көмек көрсетілгеннен кейін кәмелетке толмаған ауруханаға жатқызылды. Операция кезінде қауіпсіздікті қамтамасыз еткен полиция қызметкерлері де жұмыс істеді.
ТЖМ ата-аналарға балаларды мұқият қадағалап, қараусыз қалдырмау қажеттігін ескертті. Құтқарушылар балалардың ғимараттардың төбелері мен басқа да қауіпті орындарда жүруіне жол бермеуге шақырды. Ведомство қарапайым қауіпсіздік ережелерін сақтау жазатайым оқиғалардың алдын алып, балалардың өмірі мен денсаулығын сақтауға көмектесетінін атап өтті.