Павлодар облысында сот көлік құралын басқару құқығы жоқ 16 жастағы жасөспірімнің анасын жауапкершілікке тартты. Әйелге айыппұл салынды, деп хабарлайды infohub.kz сайты.
Павлодар облысы соттарының баспасөз қызметінің мәліметінше, 9 мамырда кәмелетке толмаған Л. көлік құралын басқару құқығы жоқ мотоцикл айдаған. Кейін ол полиция қызметкерлерімен ұсталды.
Жасөспірімнің анасы кәмелетке толмаған баланы тәрбиелеу және оқыту жөніндегі өзіне жүктелген ата-аналық міндеттерді тиісінше орындамады деп айыпталды. Әйел кінәсін мойындап, оқиғадан кейін ұлымен профилактикалық әңгіме жүргізгенін түсіндірді.
Сондай-ақ ол жұмыс істейтінін және баланы жалғыз тәрбиелеп отырғанын айтты. Сот Л.-ның кінәсін мойындағанын және оның асырауында кәмелетке толмаған бала бар екенін ескерді.
Әйелге 10 тәулікке дейінгі әкімшілік қамау түріндегі жаза не 20 айлық есептік көрсеткішке дейінгі (86 500 теңге) айыппұл салынуы мүмкін еді. Сонымен қатар сот айыппұл мөлшерін 30%-ға қысқартып, түпкілікті өндіріп алу сомасын 60 550 теңге етіп белгіледі.