Украинаның Павлоград қаласында 11 қыркүйек аза тұту күні болып жарияланды. Бір күн бұрын Ресейдің әуе шабуылынан бес адам қаза тапты. Ал Днепропетровск облысы бойынша жалпы екі адам қаза тауып, 79 адам жарақат алды, деп хабарлайды infohub.kz сайты.
Днепропетровск облысының әкімі Олександр Ганжаның айтуынша, бұл — Ресейдің бейбіт тұрғындарға жасаған кезекті қылмысы. «Олар өмір сүрді, еңбек етті, бала тәрбиеледі. Ресей шабуылдары қалаларымыз бен ауылдарымызға өлім мен қирау әкеледі», — деді ол.
Украинаның сыртқы істер министрі Андрей Сибига Ресейдің адамдар күнделікті өмірін өткізетін жерлерді жүйелі түрде атқылап жатқанын атап өтті. «Бұл — қорқыту тактикасы. Ресей бейбіт тұрғындарға тоқтаусыз соққы беру украиндарды әлсіретіп, Украинаны жеңілдікке мәжбүрлейді деп сенеді», — деді министр.
Reuters агенттігінің мәліметінше, Киевтегі жанармай құю станциясына және оңтүстік-шығыстағы Днепр қаласындағы агроөнеркәсіп нысанына жасалған бөлек шабуылдар Ресейдің соңғы апталардағы әуе науқанының күшеюін көрсетеді.
Украинаның премьер-министрі Сергей Корецкий Ресейдің кәсіпорындар мен азаматтық инфрақұрылымға шабуылдары «қарқынды өсіп келе жатқанын» мәлімдеп, үкіметті «алдын ала әрекет етуге» шақырды.
Бүгін таңертең Киевтің Оболонский және Днепровский аудандарында тағы екі жанармай құю станциясына соққы берілгені хабарланды. Бұл туралы астана әкімі Владимир Кличко мәлімдеді. Құтқару қызметтері оқиға орнында жұмыс істеп жатыр.
Кеше Киевтің Голосеевский ауданындағы жанармай құю станциясына ресейлік дрон шабуыл жасаған болатын.