Солтүстік Қазақстан облысында құрылыс жұмыстары кезінде екі адамның және ежелгі жануардың сүйектері табылды. Сирек кездесетін олжа Петропавл маңындағы Прибрежное ауылының түбінен шықты, деп хабарлайды infohub.kz сайты.
Жұмысшылар сүйектерге көпір салу барысында тап болды. Экскаватор құм карьерін қазып жатқанда, топырақтан сүйектер байқалған. Олжаларды жер бетіне шығарып, оқиға орнына полиция қызметкерлерін шақырды.
Құқық қорғау органдары тексеру жұмыстарын бастады. Алдын ала мәліметтер бойынша, қылмыстық сипаттағы белгілер анықталмаған. Алайда адам сүйектері қай кезеңге жататыны әзірге белгісіз.
Табылған сүйектердің бірін тарих ғылымдарының кандидаты, археолог Анатолий Плешаков зерттеді. Алдын ала болжам бойынша, ол осы аумақта біздің дәуірімізге дейінгі XII мыңжылдыққа дейін өмір сүрген жүнді мүйізтұмсыққа тиесілі.
«Жүнді мүйізтұмсық — біз айтып жүргендей, мамонт фаунасы, ол палеолит дәуірі, мұздық кезең. Егер осы бас сүйектердің біреуі сол кезеңге жататын болса, бұл асқан сенсация болар еді. Мамонт фаунасының табылуы сенсация деп айтып жүрсем, онда бұл асқан сенсация болар еді. Өйткені бас сүйектердің біреуі қатты зақымдалған, сондықтан бұл өте қызық», — деді археолог Анатолий Плешаков.
Енді ғалымдар адам сүйектерінің жасын анықтауы керек. Мамандар табылған сүйектерді және құм карьерінің өзін жан-жақты зерттеуді жоспарлап отыр.