Петропавлда сот бірнеше жүк көлігінің иесін республикалық трассаның бойындағы техниканы алып кету туралы полицияның заңды талабын орындамағаны үшін әкімшілік қамауға алды, — деп хабарлайды infohub.kz сайты.
Жүк көліктері ұзақ уақыт бойы Астана – Көкшетау автомобиль жолының 479–480 шақырымында, Петропавл әуежайына бұрылыстың жанында тұрған. Ауыр техника салдарынан жол төсемінде ойыс пайда болған.
Иесі кілттері жоқ, жүргізушілермен байланыса алмағандықтан және көліктердің ақаулығынан машиналарды алып кете алмағанын айтқан. Алайда сот бұл дәлелдерді негізсіз деп тапты, өйткені олар объективті дәлелдермен расталмаған. Меншік иесі кедергілерді жою, соның ішінде ақаулы техниканы жөндеуді ұйымдастыру бойынша дер кезінде шара қолдануға міндетті.
Сот шешім шығарғанда ер адамның бұған дейін де ауыр салмақты көліктерді пайдалануға байланысты бұзушылықтар үшін бірнеше рет әкімшілік жауапкершілікке тартылғанын ескерді. Нәтижесінде ол полиция қызметкерінің заңды талабына бағынбағаны үшін кінәлі деп танылып, 10 тәулікке әкімшілік қамауға алынды.
Сот қаулысы әлі заңды күшіне енген жоқ.