Ресей Президенті Владимир Путин алғаш рет Курил аралдарына барды, бұл Токиода өткір реакция тудырды. Жапон тарапы қатты наразылық білдіріп, мұндай қадам жапон халқының сезіміне қиянат жасайтынын мәлімдеді, деп хабарлайды infohub.kz сайты.
Кремль сайтында жарияланған ақпаратқа сәйкес, Сахалин облысына жұмыс сапары барысында мемлекет басшысы Итуруп аралына барып, «Ясный» балық өңдеу кешенінде болды. Кәсіпорында ол өндірістік процестермен танысып, зауыт қызметкерлерімен сөйлесті.
РБК атап өткендей, бұл ресейлік көшбасшының Курилге алғашқы сапары болды. Бұл оқиға Жапонияда бірден теріс реакция тудырды.
Nikkei басылымының мәліметінше, Жапония премьер-министрі Санаэ Такаити Кунашир, Шикотан, Итуруп және Хабомаи оңтүстік Курил аралдарын Токио «солтүстік аумақтар» деп атайтынын, олардың «Жапонияның байырғы аумағы» екенін мәлімдеді. Ол жапон тарапы бұл аралдарды тарихи тұрғыдан да, халықаралық құқыққа сәйкес те өзінікі деп санайтынын атап өтті.
Такаити сондай-ақ Жапония Путиннің сапарына «қатты наразылық білдіретінін» және оны Токионың аумақтық даудағы ұстанымына сәйкес келмейді деп санайтынын айтты. Оның айтуынша, ресейлік президенттің сапары «жапон халқының сезіміне қиянат жасайды» және «мулдем қабылданбайды». Премьер Жапония ресейлік тараптан «солтүстік аумақтарға» барудан бас тартуды бірнеше рет сұрағанын еске салды. Ол осы сапардан кейін екі ел арасындағы қарым-қатынасты орта және ұзақ мерзімді перспективада қалпына келтіру қиындайтынын айтты.