Қазақстанның әйелдер жекелей сындағы екінші ракеткасы Юлия Путинцева Гамбургтегі топырақты корттағы WTA 250 турнирінен шығып қалды, деп хабарлайды infohub.kz.
Қазақстандық теннисші Юлия Путинцева (әлемдік рейтингте 79-орында, жетінші нөмірден себілген) екінші айналымда Элина Аванесянмен кездесті. Арменияның екінші ракеткасы, әлемдік рейтингте 208-орында тұрған Элина Аванесян негізгі желіге іріктеу арқылы жолдама алды.
Матч үш сетке созылып, Путинцева 3:6, 6:2, 2:6 есебімен жеңілді. Ойын 2 сағат 10 минутқа созылды.
Кездесу барысында қазақстандық теннисші екі эйс жасап, үш қосарлы қателік жіберіп, он бір брейк-пойнттың сегізін ұтысқа айналдырды.
Осылайша, Путинцева Германиядағы жарыстағы өнерін аяқтады. Аванесян ширек финалда турнирдің бірінші ракеткасы украиналық Александра Олейниковамен ойнайды.