Қарағанды облысында ондаған дала өрті тіркелді: соңғы тәулікте сегіз ошақ сөндірілді, тағы бесеуімен күрес жалғасуда, деп хабарлайды infohub.kz сайты.
Қазақстан Республикасы Төтенше жағдайлар министрлігінің Telegram-арнасында мәлім еткендей, құтқарушылар Қарқаралы, Бұқар-Жырау, Нұра, Осакаров аудандары мен Қарағанды қаласының аумағында сегіз табиғи өртті сөндірді. Алдын ала деректер бойынша, от 200 гектар жерді шарпыған.
Қазіргі таңда Шет, Бұқар-Жырау және Қарқаралы аудандарының таулы-далалы аймағында құрғақ шөп пен бұталардың тұтануына байланысты өрттерді сөндіру жұмыстары жалғасуда.
«Сөндіру жұмыстары қиын қолжетімді таулы-далалы рельефке, орныққан ыстық ауа райына және қатты екпінді желге байланысты қиындап отыр. Желдің салдарынан оттың таралу бағыты бірнеше рет өзгерді. Өрттерді сөндіруге ТЖМ, жергілікті атқарушы органдар мен орман шаруашылықтарының 400-ден астам қызметкері және 100-ден астам техникасы жұмылдырылды», — деп атап өтті ведомствода.
Төтенше жағдайлар министрлігі оперативтік штабтың тәулік бойы жұмыс істеп жатқанын қосты. Өрт жағдайына үнемі мониторинг жүргізіліп, күштер мен құралдарды үйлестіру жұмыстары атқарылуда.