Қазақстанда қазақ тілінің жаңа орфографиялық сөздігі әзірленбек. Алдыңғы басылым 2013 жылы шыққан, яғни сөздік 13 жыл бойы жаңартылмаған. Бұл туралы Instagram парақшасында Қазақстан Республикасының вице-президенті Ерлан Карин мәлімдеді, деп хабарлайды infohub.kz сайты.
Оның айтуынша, «қыркүйек» пен «қыргүйек» сөздерінің жазылуы жөніндегі дау мемлекеттік аппаратқа жеткен. Қазіргі таңда қазақ тілі іс қағаздарын жүргізудің толыққанды тіліне айналғандықтан, сөздердің жазылуы туралы пікірталас шенеуніктерге де қатысты болып отыр.
Сонымен қатар Карин мемлекеттің қай сөздің қалай жазылуы керектігіне араласпайтынын атап өтті. Бұл міндетті тіл саясатына жауапты ведомство басшылары мен атақты ғалымдарға жүктейді. Билiк тек үдерісті үйлестіріп отырады.
«Алдымен беделді ғалымдардың арасынан арнайы жұмыс тобы құрылып, ол сөздіктің жобасын дайындайды. Содан кейін ұсынылған еңбек ведомствоаралық комиссияда қаралып, бекітіледі», — деп нақтылады ол.
Вице-президент орфографиялық сөздіктің соңғы рет 2013 жылы басылып шыққанын қосты. Алайда содан бері белсенді қолданысқа көптеген жаңа сөздер еніп, келіспеушіліктердің туындауына себеп болды.
Карин жаңа басылымды дайындауды ұлттық жоба ретінде қабылдауға, асықпай, бірақ үдерісті созбауға шақырды.
Бұған дейін «Курсив» Астанада қазақ тілін тегін қалай оқытатынын жазған болатын.