2026 жылғы 1 тамыздағы жағдай бойынша Қазақстан халқының саны 20 604 819 адамға жетті. Жыл басынан бері өсім шамамен 105 мың адамды құрады, деп хабарлайды infohub.kz.
Ұлттық статистика бюросының мәліметінше, жыл басында республикада 20 499 822 адам тұрған. Осылайша, жеті ай ішіндегі жалпы өсім 104 997 адамды құрады.
Ведомство деректері бойынша, тамыз басында елде 10 531 747 әйел және 10 073 072 ер адам болған.
Жалпы тұрғындардың 13,2 миллионнан астамы қалаларда тұрады. Өткен айларда қала халқы 126 649 адамға өсті. Ал ауылдық жерлерде 21 652 адамға қысқарған — тамызда ауылдарда шамамен 7,4 миллион адам тұрды.
Сондай-ақ елдегі ең көп халқы бар аймақтар туралы деректер жарияланды. Көшбасшы — 2,3 миллион халқы бар Алматы. Одан кейін Түркістан облысы (2,1 миллион), Астана (1,6 миллион), Алматы облысы (1,6 миллион) және Шымкент (1,3 миллион) тұр.