Германияда өзендердің тартылуына байланысты бұрынғы құрғақ жылдардың күндері қашалған «аштық тастары» ашылды, деп хабарлайды infohub.kz сайты.
Бұл тастар ғасырлар бойы егіннің шықпауының белгісі саналған: оларға су деңгейі ерекше төмен болған жылдарды белгілеп отырған. Олар Эльба өзенінің Пирна қаласы маңында пайда болды. Оберпост ауданындағы осындай тастардың бірінде 20-дан астам күн қашалған, олардың ең ертесі 1707 жылға жатады.
Эльбадағы су деңгейі ұзақ уақыт бойы бір метрден аспай тұр, ал Дрезденде 54 сантиметрге дейін төмендеді. Аймақтағы басқа өзендер — Мульде, Вайсе-Эльстер, Шпрее және Нейсе де айтарлықтай тартылды.
Аймақта сирек найзағаймен +34 градусқа дейін ыстық ауа райы сақталуда, ал 10-11 тамызда +25 градусқа дейін құрғақ және шуақты ауа райы күтілуде.
Бұған дейін Сербия президенті Александр Вучич Дунай өзенінің тартылуына байланысты жақын күндері кеме жүзуге жарамсыз болатынын мәлімдеген еді. Венгрияда Дунайдың тартылуы «Пакш» АЭС-нің энергоблоктарының өшірілуіне әкелді. Сонымен қатар, су деңгейінің төмендеуінен Екінші дүниежүзілік соғыс кезінде батқан кемелер ашылды.
Еуропадағы ұзаққа созылған ыстық ауа райы тек ірі орман өрттеріне ғана емес, сонымен қатар бұрын-соңды болмаған құрғақшылыққа әкелді. Ұлыбританияда фермерлер азық-түлік тапшылығы мүмкін екенін ескертуде, ал Еуропаның басты өзен артерияларының бірі — Рейн бойындағы кеме жүзу де қауіп төніп тұр.