Қытайдың Чжэцзян провинциясындағы Цзяшань уезінің Ши тегі бар тұрғыны Beijing Chuntian Zhiyun Technology компаниясына сотқа шағым түсірді. Ол жасанды интеллект чат-ботын отбасына келген қатарынан қайғылы жағдайларға кінәлады, деп хабарлайды infohub.kz сайты.
NDTV дерегінше, сәуірде анасы кенеттен қайтыс болған соң Ши фэншуйдің дәстүрлі ережелеріне сай жерлеуге қолайлы күн іздей бастаған. Алғашында жалдаған шебер жерлеуді 20 сәуірге белгілеуді ұсынған. Алайда Ши бұл күнге күмәнданды: ол қайтыс болғаннан кейінгі төртінші күнге түсіп, жергілікті әдет-ғұрып бойынша жағымсыз белгі саналады.
Сонда ер адам жасанды интеллект қызметімен ақылдасуды жөн көрді. Бағдарлама рәсімді 19 сәуірде өткізуді ұсынып, қосымша ғұрыптарды да айтты. Кейін Ши нейрожелінің жауаптарында қайшылық барын байқады: бағдарлама бір күнді ұсынғанмен, мәтінде 19 сәуірдің қолайсыз күн екенін де көрсеткен.
Жерлеуден көп ұзамай Шидің туыстарының бірі ауыр жол-көлік оқиғасына тап болды. Отбасы мүшелері апатты дұрыс таңдалмаған күннен болған фэншуй ережелерінің бұзылуымен байланыстырып, Шиді кінәлады. Оған жауап ретінде ер адам компаниядан кешірім сұрауды және шығынды өтеуді талап етті.
Beijing Chuntian Zhiyun Technology өкілдері сотта қызмет тек танысу үшін ақпарат беретінін, пайдаланушылардың шешімдері үшін жауапкершілік көтермейтінін мәлімдеді. Іс әлі қаралуда.