Шығыс Қазақстан облысының Риддер қаласында қайғылы оқиға болды: спорттық мототехниканы басқарған 13 жастағы қыз атқа байланған арқанға ілініп, қаза тапты. Оқиға тұрғын үйдің маңында болған, деп хабарлайды infohub.kz сайты.
Шығыс Қазақстан облысы полиция департаментінің мәліметінше, алдын ала анықталғандай, жасөспірім бағанаға байланған арқанға ілініп, мерт болған. Алған жарақаттары салдарынан қыз оқиға орнында қайтыс болды. Тағы бір кәмелетке толмаған — 15 жастағы жолаушы — ауруханаға жатқызылды.
Осы факті бойынша Риддер қалалық полиция бөлімі абайсызда өлімге әкеп соқтырғаны үшін қылмыстық іс қозғады. Қазіргі уақытта оқиғаның барлық мән-жайы анықталып жатыр. Жануардың иесі анықталып, полиция бөліміне жеткізілді.
Полицияда қылмыстық істің тергеу барысы ШҚО ПД бастығының бақылауында екенін атап өтті. Құқық қорғау органдары ауыл шаруашылығы жануарларының иелеріне мал жаю ережелерін қатаң сақтау қажеттігін ескертеді: автомобиль жолдарының маңында мал жаюға және айдауға тыйым салынады.