Оңтүстік Корея президенті Ли Чжэ Мен АҚШ соғыс жағдайында оңтүстіккореялық әскерлерге толық оперативтік бақылауды Сеулге беруі керек деп мәлімдеді, деп хабарлайды infohub.kz сайты.
Мемлекет басшысы «соғыс уақытындағы оперативтік бақылауды қалпына келтіру — жаһандық қауіпсіздік ахуалының тез өзгеруі және соғыс сипатының гибридті соғысқа ауысуы жағдайында ұлттық қорғаныс әлеуетін одан әрі нығайту жөніндегі күш-жігердің бір бөлігі болуы тиіс» деп атап өтті.
Оперативтік бақылауды беру үкімет бастапқыда жоспарлағандай, президент өкілеттігінің мерзімі 2030 жылы аяқталғанға дейін аяқталуы керек.
Yonhap агенттігінің айтуынша, Ли Чжэ Мен бұл бастаманы АҚШ президенті Дональд Трамп КХДР көшбасшысы Ким Чен Ынмен жақсы қарым-қатынасын алға тартып, Оңтүстік Кореядағы бірлескен корея-америкалық оқу-жаттығулардың уақытын қысқартқаннан кейін еске салды.
Басылым материалында Оңтүстік Корея 1950-1953 жылдардағы Корей соғысы кезінде АҚШ басқаратын БҰҰ оперативтік командасына бақылауды бергені айтылған. 1978 жылы ол сол кезде құрылған Оңтүстік Корея мен АҚШ қарулы күштерінің біріккен командасына берілді. Сеул бейбіт уақыттағы оперативтік бақылауды 1994 жылы қайтарып алды, бірақ соғыс уақытындағы оперативтік бақылау әлі де АҚШ қолында.
Айта кетейік, кеше АҚШ президенті Дональд Трамп Ким Чен Ынмен «жақсы қарым-қатынасына» байланысты АҚШ пен Оңтүстік Кореяның бірлескен оқу-жаттығуларының ауқымын қысқартуды Пентагонға тапсырғаны белгілі болды.