Ерлер арасындағы жеке сында Қазақстанның екінші ракеткасы Александр Шевченко Швециядағы ATP 250 санатындағы турнирдің бірінші айналым матчында жеңіске жетті, деп хабарлайды infohub.kz сайты.
Бастапқы кездесуде әлемдік ATP рейтингінде 107-орында тұрған Шевченко әлемнің 61-ракеткасы Адриан Маннариномен кездесті. Қазақстандық теннисші алғашқы геймдерден басымдықты қолға алып, старттық партияны 6:1 есебімен сенімді түрде ұтып алды. Екінші сетте де Шевченко қарсыласынан басым түсті — 6:3. Ол кездесуді бір сағат он минут ішінде өз пайдасына аяқтады.
Матч барысында Александр алты эйс жасап, екі қосарланған қателік жіберді және 11 брейк-пойнттың алтауын пайдаланды.
Осылайша, Қазақстанның екінші ракеткасы жарыстың екінші айналымына өтті. Онда ол ATP рейтингінде 18-орында тұрған Норвегия өкілі Каспер Руудпен кездеседі. Норвегиялық теннисші екінші себетке ие болып, турнирдегі ойынын бірден екінші айналымнан бастады.
Алдағы кездесудің жеңімпазы турнирдің ширек финалына жолдама алады.
Айта кетейік, Стокгольмдегі жарыстың жалпы жүлде қоры 723 435 еуроны құрайды. Турнир чемпионы 110 055 еуро тауып, 250 рейтингтік ұпайға ие болады.