Neuralink компаниясының топ-менеджері Шивон Зилис миллиардер Илон Маскпен ажырасқанын көпшілікке жариялады. Ол бұл туралы Х әлеуметтік желісінде хабарлап, бұл шешімді Масктың өзі қабылдағанын атап өтті, деп жазады infohub.kz сайты.
Ол ажырасудан қатты қиналып жүргенін, бірақ төрт ортақ баласы үшін миллиардермен достық қарым-қатынасты сақтап қалуға үміттенетінін мойындады.
«Илонға терең түсіністік, қамқорлық және тыныш, нәзік әрі сенімді махаббат дегеннің не екенін көрсете алғаныма қуаныштымын. Оның ерте жылдарындағы қиын жағдайларды, жиі толқыған жан дүниесін және адамзат үшін қаншалықты жанқиярлықпен күресетінін ескерсек, оның осы әлемдегі ең терең әрі берік махаббатты сезінгенін қаладым», — деп жазды ол.
Шивон Зилис олардың қарым-қатынасы миллиардердің өмірінде жақсы із қалдырды деп үміттенетінін айтты, өйткені олардың отбасы миллиардер үшін әрқашан шынайы қуанышпен қарсы алатын тыныш айлақ болды.
«Мен оны өмірден де артық сүйдім, ол маған жүз өмірге жетерлік білім берді және өміріме терең мағына сыйлады. Әрине, жоғалтудың азабы ауыр, бірақ бақытымызға орай, бізде төрт керемет сәби бар — олар менің өмірімдегі басты махаббатым», — деп қорытындылады ол.
Бұған дейін Илон Маск АҚШ президенті Дональд Трамп әкімшілігімен кеңесші ретінде жұмысын жалғастыратыны белгілі болды. Ол Пентагонның болашақ соғыстарды зерттеу жобасының жетекшілерінің бірі болады.
Еске салайық, 2025 жылдың наурызында Зилис Масктан төртінші баласының дүниеге келгенін хабарлаған. Миллиардердің барлығы 14 баласы бар.