Солтүстік Қазақстан облысындағы екі ауылдың тұрғындары табиғаттың таңғажайып құбылысына тап болды — қыркүйек соңында мұнда сирень гүлдеп кетті, деп хабарлайды infohub.kz сайты.
Әдетте сирень сәуірдің ортасынан бастап мамырға дейін гүлдейді — бұл кезең көпшілікке жаңа өмірдің бастауы ретінде таныс. Алайда биыл Қазақстанның солтүстігінде көктем қыркүйекте келді. Себебі Пресноредуть және Светлое ауылдарында сирень бұталары кенеттен гүлдеп кетті. Ауыл тұрғындары таңғалыстан айырылды.
«Біз бірден байқамадық, кейін балалармен серуендеп, басымызды жоғары көтердік — қарасақ, түгел гүлдеп тұр. Сосын жүріп өттік, көбісінде гүлдеген. Дегенмен әдемі!» — деді Пресноредуть ауылының тұрғыны Александра Кудренко.
Ауылдарда гүлдеген сиреньді әр ауладан көруге болатыны атап өтілді.
«Биыл тіпті таңғаларлықтай гүлдеді. Гүлдері де ірі, шоғырлары да үлкен. Қарақат та қатты бөртіп кетті. Көктемде не боларын білмейміз», — деді Светлое ауылының тұрғыны Любовь Муляр.
Мамандардың айтуынша, ғылыми тұрғыдан бәрі қарапайым: бұталарды ауа райы алдап кеткен. Қайта гүлдеуге ең алдымен ұзаққа созылған жылы ауа райы әсер еткен.
«Сирень Парсы елінен шыққан, онда климат жылырақ. Көктемде гүлдеген кезде гүл бүршіктері кешірек қалыптасады. Ал қуаң жаздан кейін күзде кенет суық түссе, бүршіктер шатасып, гүлдей бастайды. Қазір бұл мәселе қарапайым стресс деп түсіндіріледі», — деп түсіндірді Ботаникалық бақтың директоры Артур Рязапов.
Солтүстікте мұндай күзді ешкім күтпеген еді. Табиғат суық түсер алдында тұрғындарды қуантпақ болғандай.