Таразда сот мопед жүргізушісін 20 тәулікке қамады. Ол полициядан қашпақ болған. Ер адам мас күйде болған және ешқашан жүргізуші куәлігін алмаған, деп хабарлайды infohub.kz.
Патруль кезінде Қ. Тұрысов көшесінде мемлекеттік нөмірсіз мопедтегі бұзушы байқалған. Ол тоқтау талабына көнбей, кетуге әрекеттенген, алайда көп ұзамай ұсталған.
Тексеру кезінде полицейлер мас болу белгілерін байқаған. Медициналық куәландыру орташа дәрежедегі мас күйді растады. Сонымен қатар, ер адамның ешқашан жүргізуші куәлігі болмағаны анықталды.
Бұзушыға қатысты мас күйде көлік жүргізу, жүргізуші куәлігінсіз жүру және полицияның заңды талабына бағынбау фактілері бойынша әкімшілік хаттамалар толтырылды.
Сот шешімімен ер адам 20 тәулікке қамалды, ал мопеді айыппұл тұрағына апарылды.
Еске сала кетейік, 2025 жылдың сәуірінде Қазақстанда мопедтер механикалық көлік құралдарына теңестірілді. Енді оларды жүргізу үшін көлікті тіркеу, жүргізуші куәлігін алу, мемлекеттік нөмір орнату және міндетті сақтандыруды рәсімдеу қажет.
Бұған дейін Алматы маңында мопед қағып кеткен зейнеткер әйелді жүк көлігі басып қала жаздағаны хабарланды.