Теміртауда 9-шы шағын аудандағы №3 үйдің ауласында орнатылған металл танкке қатысты жанжал туындады. 35 жылдан астам уақыт бойы бұл әскери машина жергілікті көрнекі орынға айналған, алайда баламен болған оқиғадан кейін прокуратура оны демонтаждауды тапсырған. Алайда үй тұрғындары аула символын қорғауға шықты, деп хабарлайды infohub.kz сайты.
Ашулы тұрғындар тез арада қол жинап, видеоүндеу жазды. Олардың айтуынша, танк көптен бері шағын аудан тарихының бір бөлігіне айналған, ал жекелеген оқиға оны бұзуға себеп болмауы керек. Көне тұрғындар 1980-жылдардың аяғында бұл әскери машинаны қайта балқытуға жіберуге тырысқанын еске алады. Сонда тұрғындар оны аулада қалдыруға рұқсат алып, орнына зауытқа осыншама металл сынығын жинап тапсырған. Содан бері танк бірнеше рет дауға айналған, бірақ әр жолы оны сақтап қалуға мүмкіндік туған.
Бұл оқиға жария болған соң, оқруг депутаты мен ТКШ бөлімінің өкілдері оқиға орнына келді. Билік демонтаж туралы жеке шешім қабылдамағаны белгілі болды — талқылауға прокуратураның тапсырмасы себеп болған. Жағдайға Теміртау әкімі Сапар Сатаев түсініктеме берді.
«Бүгін көпшілігіңізді 9-шы шағын аудандағы №3 үйдің жанындағы танкке қатысты мәселе алаңдатып жатқанын көрдім. Сіздердің уайымдарыңызды түсінемін, сондықтан жеке өзім нақты жауап бергім келеді. Қазіргі уақытта танкті демонтаждау мәселесі қарастырылып жатқан жоқ. Оны бұзу туралы ешқандай шешім қабылданған жоқ және жоспарланбайды. Сонымен қатар, іргелес аумақ шынымен де абаттандыруды қажет етеді. Қажетті қаржыландыру болған жағдайда, 2027 жылы осы учаскені кешенді абаттандыру мүмкіндігін қарастырамыз. Осы уақытқа дейін аумақты тиісті күтіп-ұстауды қамтамасыз етуді және тұрғындардың қауіпсіздігі үшін қажетті шараларды қабылдауды тапсырдым», — деді Сатаев.
Жергілікті әкімдіктің араласуынан кейін аңызға айналған танк өз орнында қалады. Талқылау демонтаж мәселесінен аумақты қауіпсіз етуге ауысты, бірақ шағын ауданның ең танымал символдарының бірінен айырмауға тырысуда.