Американдық Tesla компаниясы тамыз айының соңына дейін Остин қаласының (Техас штаты) жолдарында Cybercab атауымен белгілі роботаксиді іске қосуды жоспарлап отыр. Бұл туралы Reuters агенттігі хабарлады. Алғашқы жолаушылар компания қызметкерлері болады, одан кейін роботакси қолданыстағы Robotaxi сервисіне қосылады, деп хабарлайды infohub.kz сайты.
Cybercab — екі орындық электромобиль, ол тек автономды басқаруға арналған: руль мен педаль жоқ. Модельдің сериялық өндірісі 2026 жылдың көктемінде басталды.
Компания Остин көшелерінде Cybercab-тың сынақ жүрістерін өткізіп, төтенше жағдай қызметтерін роботаксимен жұмыс істеуге үйреткен. Алайда қолдану географиясын кеңейту реттеушілердің талаптарына тіреліп тұр. Мәселен, Невадада Tesla 5 мың роботаксиді пайдалануға рұқсат алуды күткен, бірақ әзірге тек 10 көлікке ғана рұқсат берілген, олардың жұмысын міндетті түрде бақылау шартымен.
Іске қосуға дайындық аясында желіде Cybercab-тың икемді блокираторлар қатарына келіп, бірнеше рет тоқтап, содан кейін олардың арасынан тіке өтіп кеткені көрсетілген видео пайда болды. Түсірілім күні расталмаған, ал Tesla компаниясы бұл оқиғаға әзірге түсініктеме берген жоқ.
Бұл видео Tesla-ның жасанды интеллект бағытының жетекшісі Robotaxi-дің «мінсіз» қауіпсіздігі туралы мәлімдеме жасағаннан бірнеше апта өткен соң пайда болды.
Осылайша, Cybercab-тың іске қосылуы Tesla үшін маңызды сынақ болмақ: компания рульсіз және педальсіз көліктің нақты қалалық трафикте қауіпсіз жұмыс істей алатынын дәлелдеуі қажет.
Бұған дейін «Курсив Авто» басылымы Астана, Алматы және Қосшы қалаларында роботаксилер пайда болатынын хабарлаған еді.