Алматы облысындағы Букреев шыңы маңында 3010 метр биіктіктен құлаған қызды ТЖМ құтқарушылары күрделі операциямен эвакуациялады, деп хабарлайды infohub.kz.
ТЖМ алдын ала мәліметінше, қыз жартастан құлап, бас жарақатын алып, өздігінен қозғала алмаған. Құтқарушылар келгенге дейін оған куәгер алғашқы көмек көрсеткен.
Құтқару операциясына Қазақстан Республикасы ТЖМ «Барыс» республикалық құтқару қызметі мен Алматы қаласы Төтенше жағдайлар департаментінің Құтқару қызметінің қызметкерлері тартылды. Зардап шеккен қызды эвакуациялау үшін «Қазавиаспас» акционерлік қоғамының тікұшағы жұмылдырылды.
Таулы аймақтан көтерілгеннен кейін қызды «Медеу» тікұшақ алаңына жеткізіп, онда оны ТЖМ Апаттар медицинасы орталығының бригадасына одан әрі медициналық көмек көрсету үшін тапсырды.