Қазақстан Президенті Қасым-Жомарт Тоқаев «Орталық Азия – Корея Республикасы» бизнес-саммитінде сөз сөйлеп, корей компанияларына Еуразия нарығына бағытталған өнімді бірлесіп шығаруды ұсынды, деп хабарлайды infohub.kz сайты.
Мемлекет басшысы сөзінің бір бөлігін ауыл шаруашылығына арнады. Тоқаевтың айтуынша, былтыр Қазақстан рекордтық көлемде астық жинады — шамамен 27 млн тонна.
Президент республика агроөнеркәсіп өнімдерін әлемнің 70-тен астам еліне экспорттайтынын еске салды.
«Қазақстанның жер ресурстары мол, ал Корея — тиімді әрі технологиялық ауыл шаруашылығы саласында танылған көшбасшы», — деді ол.
Сонымен қатар мемлекет басшысы екі елдің күшін біріктіріп, өнім өндіруге, терең өңдеуге және сыртқы нарыққа экспорттауға бағытталған бірлескен тағам өнеркәсібі кластерін құруды ұсынды.
«Қазақстан корей компанияларына тек сыйымды нарық қана емес, өндіріс орналастыруға, технология енгізуге және Еуразия құрлығының нарықтарына шығуға кең мүмкіндіктер ұсынады», — деп қосты президент.
Қазақстандық көшбасшының пікірінше, бұл корей бизнесіне жаңа перспективалар ашып, бүкіл аймаққа нақты әсер береді.
Бұған дейін «Курсив» Тоқаевтың Кореяға Орталық Азиямен жұмыстың жаңа формуласын ұсынғанын жазған болатын.