АҚШ президенті Дональд Трамп Иранға қарсы жаңа ауқымды әскери шабуыл жасау мүмкіндігін қарастырып жатқанын мәлімдеп, жақын арада қақтығысты аяқтау туралы маңызды шешім жариялайтынын уәде етті, деп хабарлайды infohub.kz сайты.
Америка көшбасшысының айтуынша, Вашингтон әрі қарайғы әрекеттер туралы шешуші қадам жасауға тиіс. Ол бұл туралы Axios басылымына берген сұхбатында айтты.
«Мен маңызды шешім қабылдауым керек. Басып кіріп, оларды (Иран режимін) жоюды қалаймын ба, жоқ па? Бұл маңызды шешім. Менің басыма не боларын ешкім білмейді», – деді Трамп.
Бұған дейін Трамп соғыс жақын арада аяқталуы мүмкін екенін айтқан. Ол келісімге тез жетуге үміттенетінін білдіріп, Тегеран бейбіт келісімге мүдделі деп есептейтінін жеткізді. Алайда АҚШ президенті мәміленің ықтимал шарттарын ашпады және келіссөздердің қай кезеңде тұрғанын хабарламады.
Сонымен қатар Трамп Иранмен қақтығыста АҚШ-ты қолдамаған елдерден Вашингтонға келтірілген шығынды өтеуді талап етті. Оның сөзінше, Америкаға көмектесуден бас тартқан мемлекеттер соғыс аяқталған соң «есеп айырысуға» мәжбүр болады.
Бұған дейін Трамп қақтығыстың жақын арада бітуі мүмкін екенін айтқанымен, бейбіт келісімнің нақты мерзімі мен шарттарын атамаған.
Осы уақытта Иран делдалдар арқылы АҚШ-қа Ормуз бұғазын ашу үшін жеті шарт жіберді. Тегеранның талаптары қатарында әскери қауіп-қатерлерді тоқтату, теңіз блокадасы мен санкцияларды алу, активтерді босату, шығынды өтеу және кеме қатынасының қауіпсіздігіне кепілдік беру бар. Вашингтонның ашуды талап етуіне қарамастан, бұғаздың оңтүстік бағыты жабық күйінде қалып отыр. Иран мен Оман жаңа бағыттардың бөлшектері туралы келісті.