АҚШ президенті Дональд Трамп Солтүстік Корея көшбасшысы Ким Чен Ынмен биыл күзде Қытайдың Шэньчжэнь қаласында кездесуді жоспарлап отыр, деп хабарлайды infohub.kz сайты.
DW The Wall Street Journal-ге сілтеме жасап хабарлағандай, американдық шенеуніктердің дереккөздері кездесу қараша айында Азия-Тынық мұхиты экономикалық ынтымақтастығы саммиті өтетін Шэньчжэньде өтуі мүмкін екенін айтқан. Дегенмен, кездесудің ресми дайындығы әзірге басталған жоқ.
Шенеуніктердің пікірінше, Трамп Ким Чен Ынмен Пхеньянның ядролық бағдарламасы бойынша келіссөздерді қайта жандандыруды талқылауды жоспарлап отыр.
Олар Дональд Трамп бірінші президенттік мерзімінде солтүстіккореялық көшбасшымен үш рет кездескенін, алайда сол кезде КХДР-дың ядролық инфрақұрылымын бөлшектеу туралы келіссөздер тұйыққа тірелгенін айтты. Еске салайық, бұған дейін АҚШ президенті КХДР басшысы оның екі ел арасындағы келіссөздер өткізу туралы үндеуіне жауап бергенін мәлімдеген.
Ал одан бұрын Дональд Трамп Ким Чен Ынмен жақсы қарым-қатынасын мақтан етіп, әлеуметтік желіде бірлескен фотосын жариялаған. Сондай-ақ, ол Ким Чен Ынмен "жақсы қарым-қатынасына" байланысты Пентагонға АҚШ пен Оңтүстік Кореяның бірлескен оқу-жаттығуларының ауқымын қысқартуды тапсырған.
Солтүстік Кореямен келіссөздерді талқылау туралы мәлімдемеден кейін Трамп ел басшысы Ким Чен Ынмен мем жариялаған.