АҚШ президенті Дональд Трамп TikTok-пен жасалған мәміленің арқасында елге шамамен 10 миллиард доллар әкелгенін айтты. Бұл туралы ол Аризона штатындағы митингіде мәлімдеді, деп хабарлайды CBS News, жазады infohub.kz.
Телеарнаның дерегінше, іс-шарада Ақ үй басшысы әлеуметтік желідегі жетістіктерімен мақтанған. «Мен TikTok арқылы елге 10 миллиард доллар әкелдім», — деді ол.
Трамп сондай-ақ платформадағы танымалдылығын атақты американдық әншімен салыстырды. «Тейлор Свифт 19-орында. Ал мен — біріншімін. Бұған сене аласыздар ма? Барлығы үнемі: „Ой, TikTok — бұл Қытай ғой“ деп айтады. Міне, мен TikTok-та біріншімін және онда тек біз туралы жақсы нәрселер айтамын», — деп келтіреді оның сөздерін CBS News.
Еске салайық, қызметке кіріскеннен кейін Трамп TikTok-тың АҚШ-та жұмыс істеуі туралы жарлыққа қол қойды. Айта кетейік, бірінші мерзімінде ұлттық қауіпсіздік тұрғысынан қосымшаны тыйым салуға тырысқан саясаткер екінші инаугурация алдында TikTok-ты «құтқаруға» уәде берген еді.
2025 жылдың қаңтарында АҚШ Жоғарғы соты қытайлық ByteDance компаниясынан TikTok-қа меншік құқығынан бас тартуды талап ететін заңды қолдағаны хабарланды, әйтпесе қосымшаға АҚШ-та тыйым салынады. 19 қаңтарда TikTok компаниясы АҚШ-тағы жұмысын тоқтатты.
Көп ұзамай TikTok әлеуметтік желісі блокталғаннан кейін шамамен 12 сағаттан соң АҚШ пайдаланушылары үшін қайта іске қосылды.