АҚШ президенті Дональд Трамп Украинаға Patriot зениттік зымырандарын өндіруге лицензия беруге сенімді емес — бұл туралы ол Financial Times-ке берген сұхбатында мәлімдеді, деп хабарлайды infohub.kz.
Ақ үй басшысы әзірге АҚШ-тың Украинаға осы зымырандарды өндіруге лицензия беретініне сенімді емес екенін атап өтті. Дегенмен, бұл мәселе қарастырылатынын уәде етті Трамп. «Бұл өте ерекше қару, және... біз кімге лицензия беретінімізге абай болуымыз керек. Біз, жалпы, мұндай техникаға лицензияны таратпаймыз», — деді американдық президент.
Басылым сондай-ақ Украинаның АҚШ-тағы елшісі Ольга Стефанишинаның айтуынша, Владимир Зеленский Дональд Трамптан Киевке әуе қорғанысы жүйелеріне арналған зымырандарды жеткізу бойынша нақты міндеттеме ала алмағанын жазады.
Бұған дейін Зеленский мен Трамп Ақ үйде келіссөз жүргізді. «Біз президентпен Patriot кешендеріне арналған ұстағыш зымырандарды өндіруге лицензиялар және көмектесуі мүмкін басқа да идеяларды талқыладық», — деді Зеленский сөйлескеннен кейін. АҚШ-та Трамппен кездесу алдында украиндық көшбасшы келіссөздердің басты басымдығы баллистикалық зымырандардан қорғау болатынын мәлімдеген болатын.