АҚШ президенті Дональд Трамп пен Украина президенті Владимир Зеленский 28 шілдеде Вашингтонда кездеспек. Бұл туралы infohub.kz сайты Reuters агенттігіне сілтеме жасап хабарлады. Агенттік аты аталмаған Ақ үй өкілінің сөзін келтіреді.
Агенттіктің мәліметінше, екі көшбасшының кездесуі сейсенбіге жоспарланған. «АҚШ президенті Дональд Трамп пен Украина президенті Владимир Зеленский сейсенбіде Вашингтонда кездеспек», — деп Reuters дереккөздің сөзін келтіреді.
Бұған дейін Зеленский АҚШ президентінің арнайы өкілі Стив Уиткофф және Ақ үй басшысының күйеу баласы Джаред Кушнермен келіссөз жүргізгенін хабарлады. Алайда украин көшбасшысы кездесу туралы толық ақпарат бермеді.
Бұдан бұрын, 8 шілдеде, Дональд Трамп Ресей мен Украина президенттері Владимир Путин мен Владимир Зеленскийдің кездесуі жақын арада өтуі мүмкін екенін мәлімдеді. Оның айтуынша, тиісті жағдайлар туындаған кезде тараптар тікелей диалогқа көшуі мүмкін.
Ақ үй әзірге Трамп пен Зеленский арасындағы алдағы келіссөздердің күн тәртібін ресми түрде жариялаған жоқ. Кездесудің негізгі тақырыптарының бірі Украинадағы жағдай және Вашингтон мен Киев арасындағы одан әрі ынтымақтастық болады деп болжануда.