Астананың екі тұрғыны түнгі уақытта тұрғын үйлердің жанында салют атып, бес тәулікке қамауға алынды, деп хабарлайды infohub.kz.
Бірінші оқиға 50 жастағы ер адамға қатысты болды. Ол болашақ келінінің туған күніне орай қонақ үйдің жанында фейерверк ұйымдастырған. Салют маңайдағы тұрғын үй кешендерінің тұрғындарының тыныштығын бұзған. Сот оны ұсақ бұзақылық жасады деп танып, бес тәулікке қамауға алды.
Екінші жағдайда 26 жастағы жігіт қыз ұзату рәсімінен кейін көпқабатты тұрғын үйдің жанында салют атқан. Оның әрекеті де қоғамдық тәртіпті бұзғандықтан, сот оған да дәл осындай жаза тағайындады.
Полиция тұрғын үйлердің жанында, әсіресе түнде пиротехниканы ату азаматтардың тыныштығын бұзатынын және қауіпсіздікке қауіп төндіруі мүмкін екенін ескертті.
«Мерекелік шаралар басқаларға қолайсыздық тудырмай, тек жағымды эмоциялар әкелуі керек», — деді полиция қызметкерлері.
Бұған дейін «Курсив» 18 жастағы қазақстандықтың Audi люгінен салют атқаны үшін жазаланғанын хабарлаған болатын.