Рудныйда полицейлер аялдама кезінде жағдайы нашарлаған Түркия азаматын жедел түрде ауруханаға жеткізді. Оқиға 31 тамызда Топорков көшесіндегі тұрақта болған, деп хабарлайды infohub.kz.
Ресейге транзитпен бара жатқан екі түрік азаматы жүк көлігінде Рудныйда демалысқа тоқтаған. Патрульдеу кезінде полиция аға лейтенанты Нұрсұлтан Мұхамеджанов пен полиция кіші лейтенанты Дамир Қойшыбаев ер адамдарды байқады. Қызметтік көлікті көрген шетелдіктер полицейлерге белгі бере бастады.
Қызметкерлер тоқтап, жүргізушілердің бірінің жағдайы нашарлағанын анықтады — ер адам тұншығып, оны ауруханаға жеткізуді өтінген. Тілдік кедергі қарым-қатынасты қиындатты: түрік азаматтарының біреуі орыс тілін аз ғана меңгерген.
Полицейлер ер адамды дереу Рудный қаласының қабылдау бөліміне жеткізіп, дәрігерлерге тапсырды. Медиктер шетелдікке қажетті көмек көрсетті.
Жағдайы тұрақталған соң, түрік азаматтары полиция қызметкерлеріне жедел көмек көрсеткені үшін алғыс білдірді.