Түркістан облысында Сайрам мен Төлеби аудандарының шекарасында екі көлік бетпе-бет соқтығысып, екі адам қаза тапты. Жергілікті тұрғындар бұл жол учаскесін аса қауіпті деп атайды, деп хабарлайды infohub.kz сайты.
Алдын ала мәліметтерге қарағанда, қытайлық Lixiang кроссовері мен «ВАЗ» маркалы жеңіл көлігі бетпе-бет соқтығысқан. Сонымен қатар, тағы бір көлік жанама соққыға ұшыраған.
«ВАЗ» салонында үш адам болған. Олардың екеуі қаза тапты, тағы бір жолаушы ауыр халде ауруханаға жеткізілді. Қаза тапқандардың жасы 27-де еді.
Айта кету керек, соқтығысудан кейін жеңіл көліктен ештеңе дерлік қалмаған. Куәгерлер салоннан жүгіріп шығып, майысқан көліктерден адамдарды суырып алып шыққан.
«ЖКО салдарынан ВАЗ көлігінің жүргізушісі мен жолаушысы оқиға орнында көз жұмды. Тағы бір ВАЗ жолаушысы медициналық мекемеге жатқызылды. Lixiang жүргізушісі ұсталып, полиция бөліміне жеткізілді», — деді Түркістан облысы ПД баспасөз қызметінің жетекшісі Гүлнар Әбдіжаппарова.
Кроссовер жүргізушісі апатқа себеп болды деп болжанады.
Жергілікті тұрғындар апат болған учаскеде жүру қауіпті екенін айтады, өйткені тар жолда жүк көліктері мен жеңіл автокөліктер әрең сыйып кетеді.