Венгрияда сот Арон Орбанды — елдің бұрынғы премьер-министрі Виктор Орбанның інісін — бір айға қамауға алу туралы шешім қабылдады. Ол ықпал саудасына және заңсыз көші-қонға жәрдемдесті деп күдікке ілінген, деп хабарлайды infohub.kz сайты.
Астаналық соттың шешімі туралы жергілікті Telex басылымы сот өкілі Герге Бозоға сілтеме жасап хабарлады. Осы іс бойынша тағы бір күдікті қамауға алынды: сот фигуранттар жасырынып кетуі немесе тергеу барысына ықпал етуі мүмкін деп есептеді. Істің үшінші қатысушысына қылмыстық қадағалау түріндегі бұлтартпау шарасы тағайындалды, ал төртіншісі бостандыққа жіберілді.
Тергеу нұсқасы бойынша, экс-премьердің інісі мен оның сыбайластары 2024 жылы Вьетнам азаматтарына венгриялық дипломатиялық өкілдіктер арқылы шенген визасын алуға көмектескен. Осылайша Батыс Еуропаға өтпек болған 100-ден астам адам көмек алуы мүмкін деп болжануда.
Арон Орбанның ұсталғаны туралы бірнеше күн бұрын хабарланған еді. Бұған дейін Венгрия премьер-министрі Петер Мадьяр үкіметтің бұрынғы басшысы Виктор Орбанға өмір бойы бас бостандығынан айыру жазасын кесу қаупін айтқаны да мәлім болды.