Жапонияда өтіп жатқан Азия ойындарында ерлер волейбол құрамасы 9–12 орындар үшін матчта Қытай Тайбейі командасынан 1:3 есебімен жеңілді, деп хабарлайды infohub.kz сайты.
Бірінші партияны қазақстандықтар сәтсіз өткізіп, 11:25 есебімен ұтылды. Алайда екінші сетті Сергей Трикоз шәкірттері сенімді ойнап, 25:23 есебімен жеңіп алды. Бірақ кешегі Гонконгпен ойыннан өзгеше, ойын барысын өзгерте алмады.
Қазақстан құрамасы сапында Владислав Мастихин 16 ұпай жинады, Владислав Кунченко — 11, Азамат Сеилханов — 10.
АЗИЯ ОЙЫНДАРЫ-2026. Волейбол. Ерлер. 2 қазан. 9–12 орындар үшін матч.
ҚАЗАҚСТАН – ҚЫТАЙ ТАЙБЕЙІ 1:3 (11:25, 25:23, 21:25, 20:25).
Жеңіліске ұшыраған соң, құрамамыз соңғы матчта Азиаданың 11-орны үшін Вьетнаммен немесе Индонезиямен таласады.
Азия ойындарында ерлер волейбол турнирі 1958 жылдан бері өткізіліп келеді. Оны жиірек жапондықтар жеңіп алған. Қазақстан құрамасы жүлдегерлер қатарына ешқашан кірмеген.
XX Жазғы Азия ойындары ресми түрде 19 қыркүйекте ашылып, 4 қазанда аяқталады. 45 елдің спортшылары қатысатын жарыстарда 460 комплект медаль сарапқа салынуда. Азиада-2026-да Қазақстан құрамасы сапында 35 спорт түрінен 558 спортшы сынға түсуде.
Ойындардың бірінші күні қазақстандықтар төрт алтын медаль жеңіп алды. Ойындар чемпиондары атанғандар: велошабандоздар Рината Султанова мен Алексей Луценко, сондай-ақ каратистер Жоламан Бигабыл мен Софья Берульцева. Құрама қоржынына бесінші алтынды ММА шебері Еркінғали Бүркіталин салды. Алтыншыны — оның аралас жекпе-жек командасындағы жолдасы Қадырбек Шынбаев. 23 қыркүйекте Луценко АИ-2026-ның екі дүркін чемпионы атанды. Сегізінші жоғары дәрежелі медальді 24 қыркүйекте ерлер арасындағы жұп ескекті қайықтар жарысында Владислав Яковлев пен Иван Чернухин жеңіп алды. Тоғызыншы алтын медальді 27 қыркүйекте шпага шеберлері командасы иеленді. Бүгін боксшы Төрехан Сабырхан оныншы алтынды жеңіп алды.
Ойындардың 12 күнінен кейін Қазақстан бейресми медаль есебінде тоғызыншы орында тұр.