Йемен жағалауында үнді туы бар кеме ракетамен батырылды. Бұл шабуылды Иран қолдайтын хуситтер жасағанын халықаралық мойындалған үкіметтің көлік министрлігі мәлімдеді. Олардың айтуынша, шабуыл жарылғыш зат тиелген қайық арқылы жасалған, деп хабарлайды Reuters агенттігі. Хуситтер бұл оқиғаға әзірге түсініктеме берген жоқ.
Хуситтер 20 шілдеде Сауд Арабиясының Қызыл теңіздегі порттарына блокада жариялаған болатын. Британдық теңіз сауда операциялары агенттігі соңғы аптада аймақтағы кемелерге бірнеше шабуыл жасалғанын хабарлады. Осыған қарамастан, мұнай бағасы сейсенбіде үш апталық минимумға түсті, өйткені АҚШ-тың жоғары лауазымды шенеуніктері Иранмен Ормуз бұғазын қайта ашу туралы келісімге үміт артты.
Маусым айында АҚШ пен Иран әскери операцияларды тоқтату және бұғазды қайта ашу, сондай-ақ 60 күн ішінде соғысты аяқтау туралы келісімге қол жеткізген болатын. Алайда, келісімге қол қойылғаннан үш апта өткен соң, АҚШ президенті Дональд Трамп Иранның бұғаздағы кемелерге жасаған шабуылдарынан кейін атысты тоқтату режимін аяқталды деп жариялады. АҚШ тарапы бұған жауап ретінде соққы жасады.
АҚШ шенеуніктері сейсенбіде келіссөздердің жүріп жатқанын, қазынашылық хатшысы Скотт Бессенттің айтуынша, бұғазды қайта ашу туралы келісімге сейсенбі немесе сәрсенбіде қол жеткізуі мүмкін екенін жеткізді. Иран болса, АҚШ-пен келіссөз жүргізіп жатқан жоқпыз және жүргізуді жоспарлап отырған жоқпыз, Оманмен сөйлесіп жатырмыз деп мәлімдеді.