Жапонияның Токиоға іргелес Тиба префектурасында 4 мыңнан астам тұрғын әлі күнге дейін электр жарығынсыз отыр. Елге 20 қыркүйекте келген тайфун Тынық мұхит жағалауын бойлай өткен болатын, деп хабарлайды infohub.kz сайты.
News of Japan дерегінше, қаза тапқандар Тиба мен Канагава префектураларында тіркелген. Қазіргі таңда құрбандар саны 13 адамға жетті, соңғы жағдай дәл Канагавада тіркелді.
Онда 20 жастағы қыз қаза тапты: оны ауа райының қолайсыздығынан туындаған көшкін зақымдаған ғимараттан алып шықты. Зардап шегушіні аман алып қалу мүмкін болмады. Бұған дейін ол хабар-ошарсыз кеткендер тізімінде болған.
ТАСС ақпаратына сәйкес, Тиба префектурасының 4 мыңнан астам тұрғыны электр қуатынсыз қалды. Сонымен қатар, бес жердегі көшкін бұрын күн сайын 54 мың адам пайдаланған жергілікті теміржолдың бірін үзіп тастады.
Апаттың салдарын жою жұмыстарын жедел қызметтер жалғастыруда. Тиба префектурасында электр және сумен жабдықтаудағы ұзақ үзілістер сақталуда. TEC-FORCE мамандары Жапон құрылыс мердігерлері қауымдастығымен, Өзін-өзі қорғау күштерімен және Tokyo Electric Power компаниясымен бірлесіп, Тоганэ қаласындағы өшірулерге себеп болған зақымдалған жол учаскесін тазалауда — құлаған ағаштарды жинастыруда. Жұмыстар электр және су беруді тез арада қалпына келтіруге бағытталған.
Миура мен Йокосука аудандарындағы іздестіру операцияларына өрт сөндірушілер, полиция, Құрлықтағы өзін-өзі қорғау күштерінің 31-полкі және жергілікті өрт сөндіру дружиналары, сондай-ақ Йокосука мен Миураның шеберлері жұмылдырылған — олар үздіксіз іздестіру жұмыстарын жалғастыруда.