Украина президенті Владимир Зеленский Ресейдің Киевке соңғы кездегі ең күшті баллистикалық шабуылдардың бірін жасағанын мәлімдеді, деп хабарлайды infohub.kz сайты.
Украина басшысы өзінің Telegram-арнасында зардаптардың суреттерін жариялап: «Бұл түнде Ресей Киевке ең ауқымды баллистикалық шабуылдардың бірін жасады. Қарсылас 40-тан астам түрлі типтегі зымырандарын, оның ішінде көбі астанаға бағытталған, сондай-ақ 120 соққы дронын пайдаланды», – деді. Оның айтуынша, бір адам қаза тауып, тағы 16 адам жараланғаны белгілі болды.
Зеленский сондай-ақ апта бойынша деректерді келтірді: «Осы аптада Ресей Украинаға қарсы шамамен 1450 соққы дронын, 1640-тан астам басқарылатын авиациялық бомбаны және 99 түрлі типтегі зымыранды қолданды. Одесса және Запорожье облыстарында адамдар жарақат алды, Сумы және Чернигов облыстарында қиратулар тіркелді. Сонымен қатар, осы аптада Ресей шабуылдары Винница, Днепропетровск, Донецк, Житомир, Кировоград, Николаев, Полтава, Харьков, Херсон және Черкас облыстарына да бағытталды».
Украина президенті баллистикалық зымырандардан қорғану тұрақты және басты басымдық болып қала бергенін атап өтті.