Украина президенті Владимир Зеленский Қазақстан президенті Қасым-Жомарт Тоқаевқа Украина тәуелсіздігінің 35 жылдығымен құттықтағаны үшін алғыс білдірді, деп хабарлайды infohub.kz сайты.
Зеленский әлеуметтік желідегі X парақшасында жауап жолдау жариялап, екі ел арасындағы достық қарым-қатынастардың маңыздылығын атап өтті. "Құрметті Президент Тоқаев, жылы лебіздеріңіз үшін алғысымды білдіремін. Украина Қазақстанмен өзара құрмет, түсіністік және халықтарымыз арасындағы көне байланыстарға негізделген достық қарым-қатынастарды жоғары бағалайды. Біз ынтымақтастығымызды одан әрі нығайтуға бел буғанбыз. Сізге зор табыстар, ал достық Қазақстан халқына бейбітшілік, амандық және гүлдену тілеймін", — деп жазды ол.
Еске салайық, бұған дейін Қасым-Жомарт Тоқаев Владимир Зеленскийді Украина тәуелсіздігінің 35 жылдығымен құттықтап, украин халқына бейбітшілік, амандық және гүлдену тілеген еді.