Қазақстан Ішкі істер министрлігі ведомстволық оқу орындарына қабылдау туралы жалған SMS-хабарламалар тарағаны туралы ескертті. Бұл хабарламалар министрлікке қатысы жоқ, деп хабарлайды infohub.kz сайты.
ІІМ деректерінше, қабылдау науқаны әлі жалғасуда, конкурстық іріктеудің барлық кезеңдері аяқталмаған. Қабылдау белгіленген мерзімде — 15-25 шілде аралығында жүргізілуде. Соңғы нәтижелер тек Qyzmet police ақпараттық жүйесіндегі үміткерлердің жеке кабинеттерінде, барлық кезеңдер аяқталып, қабылдау комиссияларының шешімдері шыққаннан кейін ғана қолжетімді болады.
Ведомство азаматтарды мұндай хабарламаларға сенбеуге, сілтемелер бойынша өтпеуге, жеке деректерін хабарламауға және тек ресми ақпаратты пайдалануға шақырды.
Бұған дейін қазақстандық жүргізушілерге ақылы жолдармен жүру үшін жалған айыппұлдар келгені хабарланған болатын.