Жаркенттің тәттіге әуес қайталанған ұрысы бір ай ішінде дүкеннен 600-ден астам шоколад ұрлап, 530 мың теңгеден астам шығын келтірген, деп хабарлайды infohub.kz.
Жетісу полициясына қаладағы сауда орталықтарының бірінің өкілі «Рахат Қазақстан» шоколадының үнемі жоғалып жатқаны туралы арызбен жүгінген. Бейнебақылау камераларының жазбаларын зерделей келе, күзет қызметі ұрлыққа бір ер адамның қатысы барын анықтаған.
Ұры белгіленген схема бойынша әрекет еткен: дүкенге келіп, ешкім байқамайтынына көз жеткізіп, шоколадты сөмкесі мен қалтасына жасырып, төлемей кетіп қалған. Бірнеше минуттан кейін қайта оралып, әрекетін қайталаған. Кейбір күндері ол мұндай әрекетті бес-алты рет қайталаған.
Осылайша бір ай ішінде сауда орталығынан 625 плитка шоколад жоғалған. Жалпы шығын сомасы 530 мың теңгеден асқан.
«Панфилов аудандық полиция бөлімінің қызметкерлері Жаркенттің 41 жастағы тұрғынын анықтап, бөлімшеге жеткізді. Ер адам кінәсін толық мойындады. Осы факті бойынша сотқа дейінгі тергеу жүргізілуде. Оқиғаның барлық мән-жайы анықталуда», — деп хабарлады Жетісу облыстық полиция департаментінде.
Бұған дейін Kursiv LifeStyle «Қазақстан» шоколадының қаптамасы жаңа тыйымға байланысты өзгеретінін жазған болатын. Еске салайық, Мемлекеттік туымызды коммерциялық және жарнамалық мақсатта пайдалануға тыйым салынды, ал тұрғын үйлерде оны белгілі бір бұрышпен орналастыруға болады.