Жетісу облысының тұрғыны тойдың болмай қалуына байланысты мейрамхананың үлкен соманы қайтарудан бас тартуына тап болды, алайда мамандардың араласуының арқасында әділдік орнады, деп хабарлайды infohub.kz сайты.
ҚР Сауда және интеграция министрлігінің Тұтынушылар құқығын қорғау комитетінің мәліметінше, әйел отбасылық мерекеге мейрамхананы алдын ала брондап, 1 миллион теңге көлемінде алдын ала төлем жасаған. Алайда отбасылық жағдайларға байланысты іс-шараны өткізу мүмкін болмай, ол кәсіпкерге белгіленген күннен шамамен екі ай бұрын хабарлаған.
Мұндай мерзімінде хабарлағанына қарамастан, мейрамхана иесі ақшаны қайтарудан бас тартып, төленген соманы кепілдік төлем деп санайтынын айтқан. Сонымен қатар, тұтынушының айтуынша, тараптар арасында жазбаша келісім жасалмаған, ал іс-шара болмай қалған жағдайда ақша қайтарылмайтыны туралы шарт алдын ала келісілмеген.
Жанжалды өз бетінше шеше алмаған әйел Жетісу облысы бойынша Сауда және тұтынушылар құқығын қорғау департаментіне жүгінген. Ведомство мамандары істің мән-жайын зерттеп, тұтынушының құқығын қорғауға көмектескен. Кәсіпкерге ақшаны қайтару талабымен және мәселені сотқа дейін шешуді ұсынып, шағым жолданған.
Нәтижесінде мейрамхана иесі әйелге барлық соманы — 1 миллион теңгені өз еркімен қайтарған.