1 maýsym – Balalardy qorǵaý kúni!
Maqsaty: balalardyń jeke qasıetterin damytý, taqpaq, óleń, ánderdi naqyshyna keltire aıtýdy úıretý. Bir - birin syılaýǵa, adamgershilik qasıetterin joǵaltpaı ustaýǵa jeteleý.
Kórnekiligi: naqyl sózder, túrli - tústi sharlar,
slaıd «Bala degen bir baqyt»
Ótilý barysy: ádebı – mýzykalyq montaj

Júrgizýshi: Armysyńdar balalar, barmysyńdar,
Jaz da keldi, jaınaǵan gúldi shyńdar
Aldymenen alaıyq amandasyp,
Armysyńdar báriń de, armysyńdar!

Júrgizýshi: Sálemetsizder me, merekege jınalǵan qonaqtar,
ata - analar, balalar!

Barshamyzdy bala tilmen baýraıtyn,
Bala degen bir baqyt qoı samǵaıtyn
Ata - ananyń armany men tilegin,
Bala emes pe bal bulaqtan jalǵaıtyn
Súıkimdi perishteler sendersiń
Qandaı beıne ózderińe teń kelsin!
Danyshpan da, ǵaryshker de, ǵalym da,
Eń aldymen balalyqty meńgersin.

1 - Maýsym 1950 jyldan bastap Halyqaralyq balalardy qorǵaý kúni bolyp keledi. Búgin biz osy merekeni atap ótpekshimiz. Atalǵan merekemen bizdi quttyqtaı kelgen qonaqtarymyzben tanystyryp óteıin
.
Quttyqtaý sóz kezegi n mektebmizdiń DOİJO Qaırylbaev Erjigit aǵaıǵa beremiz.

Án: «Qoshaqanym»
Saıqymazaqtardyń kelýi
Bul ne mereke? Neni toılap jatyrsyńdar? Bizge nege aıtpadyńdar, a? Bizsiz eshqandaı mereke bolmaıdy?
Júrgizýshi: Toqta, toqta, sender kimsińder ózi bizdiń merekeni buzatyn? Búgin úlken mereke, biz ony toılaımyz, eshkim kedergi bola almaıdy! Bizben birge toılaımyz deseńder, onda tártip saqta!
Balalar, saıqymazaqty qaldyramyz ba? Qaldyramyz.

Júrgizýshi: Aqyldy balapan búgingi,
Kórkeıter kúnińdi erteńgi,
Úırengen ónerin kórsetsin
Búldirshin balalar belsendi.
Endigi kezekti ortalyqtyń búldirshinderine bereıik.

Raýan:
Bala, bala, balamyz
Baqshamyzǵa baramyz
Kúni – boıy qyzyqqa
Batamyz da qalamyz.
Amına:
Men gúlderdi julmaımyn
Torǵaılardy qýmaımyn
Aıtqan sózdi tyńdaımyn
Apashymdy syılaımyn
Berik:
Kójegim turshy
Betińdi jýshy,
Aınaǵa qarashy,
Shashyńdy tarashy.
Aıarý:
Bizderde bar qýyrshaq
Buzaý, qozy, qulynshaq
Oıynshyqtar tyńdaıdy
Emes olar urynshaq
Nazerke:
Alma syılap bóbekke
Alma aǵashtar sarǵaıǵan
Tógilgen ter shelektep
Kórinedi mańdaıdan.

Júrgizýshi: Iá, ras, bala bolǵan bári de,
Salǵan olar balalyqtyń ánin de.
Bala kezin eske alyp otyrsaq,
Sol emes pe tirshiliktiń máni de! - deı kele qurmetti ata – analar balalyq shaǵymyzdy eske ala otyryp, saıqymazaqtardyń bizge ala kelgen oıynyn oınaıyq.

Oıyn: «Kim jyldam» Sharty: Ata - analar óz balasyna bir áripten erkeletý aıtyp birinshi jetý kerek.
1 maýsym – Balalardy qorǵaý kúni! júkteý