Qazaqstanda 2026-2027 oqý jylyna shamamen 75 myń bilim granty bólindi, oǵan 127 myń talapker úmittenýde, dep habarlaıdy infohub.kz saıty.
Ǵylym jáne joǵary bilim mınıstrligi Joǵary jáne joǵary oqý ornynan keıingi bilim komıteti tóraǵasynyń orynbasary Janna Esinbaevanyń aıtýynsha, memlekettik bilim tapsyrysy eńbek naryǵynyń bilikti mamandarǵa degen qajettiligin eskere otyryp qalyptastyrylady. Bıyl granttardyń 60 paıyzy ınjenerlik-tehnıkalyq mamandardy daıarlaýǵa, 20 paıyzy pedagogıkalyq baǵyttarǵa, qalǵan 20 paıyzy basqa mamandyqtarǵa baǵyttaldy.
«Granttar konkýrstyq negizde UBT nátıjeleri, tańdalǵan bilim berý baǵdarlamalary men joǵary oqý oryndary, sondaı-aq zańnamada belgilengen kvotalar eskerile otyryp bólindi», — dep atap ótti Esinbaeva.
Bolashaq stýdentter arasynda «Aýdarma isi», «Halyqaralyq qatynastar», «Quqyqtaný», «Psıhologıa», «Qarjy» baǵdarlamalary, sondaı-aq pedagogıkalyq baǵyttar erekshe tanymal boldy.
Bilim granttaryn taǵaıyndaý boıynsha konkýrs qorytyndylary Respýblıkalyq konkýrstyq komısıa otyrysynda bekitildi. Nátıjeler ǵylym jáne joǵary bilim mınıstri Saıasat Nurbektiń resmı paraqshasynda jáne mınıstrliktiń saıtynda jarıalanatyn bolady.