14 - 15 ǵasyrlardaǵy Qazaqstannyń ekonomıkalyq jaǵdaıy
Konspekt
Monǵol shapqynshylyǵynan keıin mal sharýashylyǵy men otyryqshylyq qalalyq ómir HİİI ǵasyrdyń sońynda qaıta jandana bastady. Sharýashylyqtyń 3 túri boldy. Otyryqshy jer sharýashylyǵy Ońtústik Qazaqstanda damydy. Jartylaı kóshpeli mal sharýashylyǵy Batys jáne Soltústik Qazaqstan aımaqtarynda jandandy. Jartylaı otyryqshy mal sharýashylyǵy Jetisýda damyǵan. Mal ósirýdiń úshinshi túri – kóshpeli mal sharýshylyǵy Ortalyq, Soltústik Qazaqstan jáne Batys Qazaqstan turǵyndarynyń kóship, qoný baǵyttaryna baılanysty qalyptasty. Sýarmaly egin sharýashylyǵynyń ortalyǵyna Iasy, Saýran, Otyrar qalalaryn jatqyzýǵa bolady. Jetisýdyń ońtústik - batys jaǵynda, Taraz mańynda qalalyq ómir saqtalyp, sýarmaly eginshilik ortalyǵy bolǵan. Monǵol shapqynshylyǵy qalalyq mádenıettiń damýyna zardabyn tıgizdi. İle alqabyndaǵy qalalyq mádenıet 13 ǵasyrdyń sońy men 14 ǵasyrdyń basynda múldem quryp bitti. Talas jaǵasynda 1269 jyly quryltaı ótkizilip, otyryqshy halyq pen qala turǵyndarynan belgilengen salyq kóleminen artyq alýǵa tyıym salynǵan zań shyǵaryldy. Qalalyq ómirdiń damyǵan kezi – Aq Orda handary Sasy - Buqa, Erzen, Múbarak, Shymtaılardyń bılik qurǵan tusy.
Kúltóbe, Rań qalalarynan ydys jasaıtyn sheberhana oryndary tabyldy. 13 ǵasyrdyń ekinshi jartysynan bastap Syrdarıa qalalarynda kirpish kúıdirý kásibi órkendeı bastaǵan. Otyrar, Túrkistan qalalarynan jergilikti sheberler jasaǵan qola aınalar men shyraǵdandar tabyldy. Kúmisten jasalǵan orama bilezikter Ońtústik Qazaqstanda jáne Orta Azıanyń soltústik aýdandarynda keń taraǵan. Otyrar, Taraz qalalarynda áınek jasaý kásibi 10 - 11 ǵasyrlardan belgili bolǵan. Monǵol shapqynshylyǵynan keıin bul kásip toqyraýǵa ushyraǵanymen, 13 ǵasyrdyń aıaǵynda qaıta jandana bastaǵan. Qalalyq mádenıettiń damýy adam tirshiligine qajetti barlyq kásiptiń jandanýyna jol ashty.
Konspekt suraqtar
1. Mal sharýashylyǵy men otyryqshylyq ómir qaıta jandana bastaǵan kezeń:
2. 14 - 15 ǵasyrlardaǵy sharýashylyqtyń negizgi túrleri:
3. 14 - 15 ǵasyrlardaǵy kóshpeli mal sharýashylyǵymen aınalysatyndardyń kóshý baǵytynyń uzaqtyǵy:
4. Tómenaryq, Bozǵylaryq kanaldary qazylǵan jer:
5. 14 - 15 ǵasyrlardaǵy vaqf - gramotasy boıynsha berildi:
6. 14 - 15 ǵasyrlardaǵy sýarmaly eginshiliktiń ortalyǵy:
7. İle alqabynda qalalyq mádenıet múldem joıyldy:
8. 1269 jylǵy Talas jaǵasyndaǵy quryltaıda qarastyrylǵan másele:
9. 14 - 15 ǵasyrlardaǵy qalalarda tirshiliktiń jandana bastaýy týraly jazdy:
10. Aq Orda handary Erzen, Múbarak tusynda:
11. 14 ǵasyrdaǵy Kúltóbe, Rań qalalarynyń ornynan tabyldy:
12. Kirpish kúıdiretin sheberhanalary bolǵan qalalar:
13. 14 - 15 ǵasyrlarda Otyrar men Túrkistannyń jergilikti sheberleri jasaǵan buıymdar:
14. 14 - 15 ǵasyrlardaǵy kúmisten jasalǵan orama bilezikter keń taraǵan aımaq:
15. Áınek jasaý kásibi belgili bolǵan kezeń:
Taqyryptyń testi

14 - 15 ǵasyrlardaǵy Qazaqstannyń ekonomıkalyq jaǵdaıy. júkteý