14 jastaǵy qazaqstandyq fýtbolshy Kárim Mendıkanov ıspanıalyq «Barselonamen» kelisimshartqa qol qoıdy. Endi ol katalonıalyq klýbtyń jasóspirimder komandalarynda óner kórsetedi, dep habarlaıdy infohub.kz.
«Ómirimdegi eń úlken klýbpen kelisimshart jasasqanyma óte qýanyshtymyn», — dep jazdy Mendıkanov áleýmettik jelide «Barselona» keńsesinde túsken sýretin jarıalap.
Kárim Mendıkanov 2011 jyly 10 qarashada Oral qalasynda dúnıege kelgen. «Barselonaǵa» aýysqanǵa deıin ol katalonıalyq «San-Kýgat» klýbynda oınaǵan. Enshisinde Qazaqstannyń 16 jasqa deıingi ıýnıorlyq quramasynda bir oıyn ótkizgen.
Buǵan deıin taǵy bir qazaqstandyq fýtbolshy — 17 jastaǵy Dastan Satpaev Almatynyń «Qaıratynan» londondyq «Chelsıge» aýysqan edi. Aǵylshyn klýby shabýylshynyń quqyǵy úshin qazaqstandyq fýtbol tarıhyndaǵy rekordtyq 4,3 mıllıon eýro tóledi. Satpaev «Qaırattaǵy» sońǵy oıynyn dúblmen aıaqtady.