On jyldan astam ýaqyt buryn jasalǵan qylmys aqyry ashyldy. Zamanaýı krımınalısıka ádisteriniń arqasynda Pavlodar oblysynda 2012 jyly 62 jastaǵy áıeldi zorlap, óltirgen kúdiktiniń tulǵasyn anyqtaý múmkin boldy, dep habarlaıdy infohub.kz saıty.
İshki ister mınıstrliginiń aqparattyq medıaportalynda habarlanǵandaı, 2012 jyly baý-baqsha seriktestikteriniń biriniń aýmaǵynda qatygez qylmys jasalǵan: áıel zorlanyp, óltirilgen. Sol kezde barlyq kúsh-jigerge qaramastan, kúdiktini anyqtaý múmkin bolmaǵan. Alaıda bul qylmysty ashý jumystary bir kún de toqtaǵan joq.
Jedel ýákilder men krımınalıserdiń birlesken jumysy, sondaı-aq DNK derekter bazasy boıynsha tekserý nátıjesinde boljamdy qylmyskerdiń izine túsý múmkin boldy. Ol buryn sottalǵan 1964 jyly týǵan er adam bolyp shyqty. Júrgizilgen DNK-taldaý onyń qylmysqa qatysyn rastady. Dálelderdiń salmaǵymen er adam kinásin moıyndady.
Kúdikti ustalyp, sot sanksıasymen qamaýǵa alyndy. Bul oqıǵa zamanaýı krımınalısıkanyń múmkindikterin aıqyn kórsetedi. 14 jyl buryn qylmyskerdi anyqtaýǵa múmkindik bermegen iz búgin ony áshkereleýdiń kiltine aınaldy.
İshki ister mınıstrligi ótken jyldardaǵy ashylmaǵan qylmystarǵa qaıta oralyp, saqtalǵan dáleldemelerdi qaıta zerttep, krımınalısıkalyq zertteýlerdiń jańa ádisterin qoldanýdy jalǵastyrýda. Jazanyń bultartpastyǵy prınsıpi tolyq qamtamasyz etiletin bolady.