Amerıkalyq ınjener Neıtan Tomas Gınness rekordtar kitabyna tarıhtaǵy eń jas er profesor retinde resmı túrde engizildi. Ol 18 jasynda Florıda shtatyndaǵy Maıamı-Deıd kolejinde bolashaq ınjenerlerge arnalǵan baǵdarlamalaý kýrsyn oqyta bastady, dep habarlaıdy infohub.kz saıty.
Osy nátıjemen Tomas 1717 jyldan beri saqtalyp kelgen shotland matematıgi Kolın Maklorenniń rekordyn jańartty. Daryndy jigittiń oqý joly 10 jasynda qatar oqý baǵdarlamasymen bastaldy. 14 jasynda Tomas Florıda halyqaralyq ýnıversıtetine aýysyp, 18 jasynda elektrotehnıka salasynda bakalavr jáne magıstr dárejelerin úzdik aıaqtady. Osydan keıin ol óziniń alǵashqy kolejine oralyp, kópshiligi óz qurbylary bolǵan stýdentterge dáris oqı bastady.
Neıtan Tomastyń aıtýynsha, bári oqýǵa jınalǵan aýdıtorıada jas mańyzdy emes. Ol bilimmen bólisý múmkindigi úshin ýnıversıtetke alǵysyn bildirdi. Qazir 21 jastaǵy maman onlaın sabaq beredi jáne Maıamı ýnıversıtetinde zańgerlik bilim alýda.