Kaspı teńizi jaǵalaýynda týǵan kúnin toılap júrgen 18 jastaǵy jigittiń denesi Aqtaýdan 51 shaqyrym jerde tabyldy. Bul týraly infohub.kz saıty habarlaıdy.
Mańǵystaý oblysy TJD málimetinshe: «Búgin Aqtaýdan 51 shaqyrym jerde TJM qyzmetkerleri sýdan jaǵalaý syzyǵynan 10 metr qashyqtyqta jigittiń denesin taýyp, sýdan shyǵardy. Odan keıin dene polısıa qyzmetkerlerine tapsyryldy».
Eske sala keteıik, bir aptadan sál astam ýaqyt buryn oblystyń 18 jastaǵy turǵyny jabdyqtalmaǵan jaǵalaý ýchaskesinde shomylý kezinde joǵalǵan. Ol dostarymen týǵan kúnin toılap júrip, keıin joǵalyp ketken. Birneshe kún boıy qutqarýshylardyń qatysýymen aýqymdy izdestirý jumystary júrgizildi.