Qazaqstannyń bir bóligi qatty ystyqtyń áserinde qalyp otyr, alaıda keıbir óńirlerde jańbyr jaýyp, aýa temperatýrasy tómendeıdi, dep habarlaıdy infohub.kz saıty.
Qazgıdromet dereginshe, Soltústik Qazaqstan jáne Batys Qazaqstan oblystarynda jańbyr, naızaǵaı, burshaq jáne daýyl kútiledi. Qaraǵandy, Shyǵys Qazaqstan (+35+37 °C), Abaı (+36+38 °C), Mańǵystaý (+38+42 °C), Ulytaý (+36+39 °C) jáne Qyzylorda (+40+44 °C) oblystarynda qatty ystyq saqtalady.
Qalalar arasynda eń joǵary temperatýra ońtústikte kútiledi: Tarazda +45 °C, Shymkentte +47 °C, Túrkistanda +48 °C deıin. Astanada kúndiz +34+36 °C, túnde +18+20 °C, keıde jańbyr men naızaǵaı, jel 9–14 m/s. Almatyda kúndiz +40+42 °C, túnde +24+26 °C, jel 3–8 m/s. Shymkentte kúndiz +45+47 °C, túnde +27+29 °C, jel 8–13 m/s, ekpini 20 m/s deıin.